Ko e Kele'a

Kuo maau e ngāue ʻa e kau polisí ke hoko atu ki he fakamaauʻangá hono hopoʻi ʻa e kau fakaʻiloa ʻe toko 6 fekauʻaki mo e pekia ʻa e ʻofisa polisi Nuʻusila ko Kali Fungavaka hili hono puke ia ʻe he kau polisí ʻi he pō 18 ʻAkosi taʻu ní ʻi Nukuʻalofa.

Ko e kau fakaʻiloá ko ʻInipēkita Kelepi Halaʻufia mo ha kau polisi ʻe toko fā kehe ko Fatai Faletau, Salesi Maile, Manu Tuʻivai mo Tevita Vakalahi kae pehē ki he tauhi fakalao ʻi he pilīsone Nukuʻalofá he pō naʻe hoko ai e fakatamakí ko Semisi Manu.

Ko e lau uike eni hono tukuakiʻi ‘e ha faifekau ‘o e Siasi Tokaikoló ‘i Nuʻusila ko Fakaʻosi ‘a e Palesiteni e Siasi Tokaikolo ‘ia Kalasí, Dr Liufau Saulala, ‘o pehē naʻá ne maʻu atu ki naua ki ha mōtele ‘i Nuʻusila pea naʻe taʻetaau ‘ena tōʻongá pea ‘oku taau ia ke na hifo mei he lakanga e siasí. 

‘Oku tānaki atu ki heni ‘a e ngaahi founga tauhi paʻanga taʻetaau ‘a e siasí ‘aia ‘oku tukuakiʻi ai kuo mole ha lau miliona pea ‘oku tuʻu-lavea-ngofua ai ‘a e ‘api siasi ‘i Tonga, Nuʻusila mo ‘Aositelēlia ki hano puke ‘e he pangikeé. Ko e ‘uhí ko ha ngaahi fakaʻekeʻeke pē mei he kau mēmipa e siasí mo ha kakai Tonga kehe pē, naʻe pau ai ke toe fakaʻekeʻeke ‘e he Keleʻá ‘a Faifekau Fakaʻosi Hau ki he meʻa tonu naʻe sio ai he mōtelé.

ʻAisea Vulangi

ʻOku ou lolotonga ʻi Tongá ni, pea naʻá ku ʻohovale ʻi he ngaahi langa foʻou ki hotau Kolomuʻá, pea ko e meʻa fakafiefia kiate kimautolu nofo mulí ʻi heʻemau ʻaʻahi mai ki Tongá ni ʻo vakai ki he fonuá ʻoku ʻiai ha fakalaka kimuʻa ʻi he ngaahi langa foʻou kuo mau mamata aí. Neongo ko e konga lahi ʻo e ngaahi langa fakalakalaká ko e tokoni mei he ngaahi puleʻanga mulí fakataha mo e tokoni mei he kainga Tonga nofo mulí.